زمبابوے نے کوویڈ 19ایس اوپیز کی تفصیلات مانگ لیں
پاکستان کرکٹ بورڈ سے زمبابوے ٹیم کے شیڈول کی تفصیل بھی مانگی گئی:ترجمان
لاہور (سپورٹس رپورٹر)زمبابوے کرکٹ بورڈ نے پی سی بی سے دورہ پاکستان کے شیڈول اور کوویڈ 19 ایس او پیز کی تفصیلات مانگ لیں۔ بتایاگیاہے کہ زمبابوے کرکٹ نے ٹورنگ سکواڈ کی حفاظت کیلئے اٹھائے جانے والے اقدامات کے بارے میں جاننے کیلئے پی سی بی سے رابطہ کیا۔ ترجمان پی سی بی کے مطابق زمبابوے کرکٹ کو پی سی بی کے زیر اہتمام انتظامات کی تفصیلات کی ضرورت ہے کیونکہ اس دورے کیلئے این او سی حاصل کرنا ضروری ہے ،پی سی بی ایس او پیز کو حتمی شکل دینے کے عمل میں مصروف ہے تاکہ وہ زمبابوے کرکٹ کو فراہم کرسکے ۔حالیہ انگلینڈ کے دورے کے بعد پاکستان نے بہت کچھ سیکھا ہے اور اب وہ سیریز کی محفوظ میزبانی کیلئے ضروری انتظامات کرنے کی پوری صلاحیت رکھتے ہیں۔
روزنامہ دنیا ایپ انسٹال کریں
