پاکستان آخری میچ میں107رنزکا ہدف بھی بمشکل پورا کرپایا
لارڈ ہل(دنیا نیوز) آئی سی سی مینز ٹی 20 ورلڈ کپ کے 36ویں میچ میں پاکستان نے 107 رنز کے تعاقب میں آئرلینڈ کو سنسنی خیز مقابلے کے بعد تین وکٹ سے ہرا دیا۔میچ کے آغاز پر ہی آئرش ٹیم کی یکے بعد دیگرے دو وکٹیں گر گئیں۔۔۔
آئر لینڈ کی پہلی وکٹ صفر جبکہ دوسری 2 رنز کے مجموعی سکور پر گری، دونوں کھلاڑیوں کو شاہین آفریدی نے پویلین کی راہ دکھائی۔آئرش ٹیم کی تیسری وکٹ 4 رنز کے مجموعے پر گری، آئرش کپتان پاؤل سٹرلنگ کو محمد عامر نے پویلین چلتا کیا، آئرلینڈ کا چوتھا نقصان 15 رنز کے مجموعی سکور پر ہوا، آئرش بلے باز ہیری ٹیکٹر کو بھی شاہین آفریدی نے پویلین بھیجا۔میچ میں آئرش کھلاڑیوں کا آنا جانا لگا رہا، یوں کرٹس کیمپفر 7 اور جارج ڈوکریل 11 رنز بنا کر آؤٹ ہو گئے ،بعد میں آنے والے کھلاڑی گیرتھ ڈیلینی اورمارک ایڈیرنے ٹیم کو سہارا دیا اور شانداد کھیل پیش کیا اور دنوں سے سکور 76رنز پر پہنچایا، عماد وسیم نے گیرتھ ڈیلینی کو آؤٹ کیا جبکہ مارک ایڈئر نے 15 رنز بنائے ، بیری مکارتھی 2 رنز بناکر آؤٹ ہوئے ، دسویں نمبر پر بیٹنگ کیلئے آنیوالے جوش لٹل 22 رنز اور بین وائٹ 5 رنز کے ساتھ ناٹ آؤٹ رہے ،آئرش ٹیم کی جانب سے گیرتھ ڈیلینی31رنز کے ساتھ ٹاپ پررہے ۔آئرلینڈ کی ٹیم نے مقررہ 20اوورز میں 9وکٹوں کے نقصان پر 106رنز بنائے ۔پاکستان ٹیم کی جانب سے شاہین شاہ آفریدی اور عماد وسیم نے 3،3، محمد عامر نے 2، حارث رؤف نے ایک وکٹ حاصل کی۔پاکستانی بلے بازوں نے 19ویں اوور میں مقررہ ہدف سات وکٹوں کے نقصان پر حاصل کرلیا۔بابراعظم 32رنز بناکر ناٹ آوٹ رہے آخری لمحات میں عباس آفریدی نے 21گیندوں پر 17رنز اورشاہین آفریدی نے 5گیندوں پر 13رنزبنائے اور ناٹ آؤٹ رہے اور مین آف دی میچ قرار پائے ۔واضح رہے کہ گروپ اے سے امریکا اور بھارت میگا ایونٹ کے سپر ایٹ مرحلے کیلئے کوالیفائی کرچکے ہیں، صرف رسمی طور پر پاکستان اور آئرلینڈ اپنا اپنا آخری گروپ میچ کھیلا ۔
