ورلڈکپ 2026کیلئے کوالیفائی کرنا ٹارگٹ :ہیڈکوچ ہاکی ٹیم
لاہور(سپورٹس ڈیسک )ہیڈ کوچ پاکستان ہاکی ٹیم طاہر زمان نے کہاہے کہ ورلڈکپ 2026 کے لیے کوالیفائی کرنا ٹارگٹ ہے ۔۔
اس کے لیے ہماری نظریں نومبر 2025 میں ہونے والے ایشیا کپ پر ہیں۔ اس وقت چین میں ہونے والے ایک ایونٹ میں ٹیم بھیجنے کا پلان ہے ، چین کا ایک ٹاپ لیول ڈومیسٹک ٹورنامنٹ 11 سے 22 نومبر تک ہو رہا ہے ، اس میں پی ایچ ایف ڈویلپمنٹ ٹیم بھیج رہے ہیں۔ ہماری کوشش ہے کہ ایک شارٹ کیمپ لگا کر پی ایچ ایف ڈویلپمنٹ ٹیم بنائیں، ٹیم کو 9 تاریخ تک چین بھجوانے کے لیے تمام تر تیاریاں مکمل کرنے کی کوشش کر رہے ہیں۔
فنڈز کے بغیر کوئی کام نہیں ہوسکتا، ہائی پرفارمنس پروگرام کو شروع کرنے کے لیے فنڈز کی ضرورت ہے ، ہمارا ایک سال میں 25 میچز یورپ میں کھیلنے کا پلان ہے ، حکومت سے درخواست ہے فنڈز دے ۔
روزنامہ دنیا ایپ انسٹال کریں
