سری لنکا اے کیخلاف سیریز،پاکستان شاہینز کے سکواڈکااعلان
لاہور(سپورٹس ڈیسک )سری لنکا اے کیخلاف 11 سے 29 نومبر تک کھیلی جانیوالی ہوم ریڈ اینڈ وائٹ بال سیریز کیلئے پاکستان شاہینزکے سکواڈکااعلان کردیاجس کی قیادت محمد ہریرہ کوسونبی گئی ہے ۔۔
سیریز میں دو چار روزہ اور پچاس اوورزکے تین میچز شامل ہیں۔ سلیکشن کمیٹی نے دو چار روزہ میچوں کیلئے 14 رکنی سکواڈ کا اعلان کیا ہے جبکہ پچاس اوورز کے میچوں کیلئے 15 رکنی سکواڈ کا انتخاب کیا گیا ہے ۔ وائٹ بال سکواڈ میں محمد ہریرہ (کپتان)، عبدالفصیح ،عبدالصمد، حیدر علی ،حسین طلعت ، معاذ صداقت ، مہران ممتاز ، محمد حارث ، محمد عمران جونیئر، محمد عمران، محمد وسیم جونیئر، روحیل نذیر، شرون سراج، سراج الدین اور عبید شاہ شامل ہیں جبکہ ریڈبال سکواڈ میں محمد ہریرہ (کپتان) ، عبدالفصیح ، احمد صفی عبداللہ ، علی زریاب ، حیدر علی، حسین طلعت، کاشف علی، خرم شہزاد، محمد غازی غوری، محمد رمیز جونیئر، محمد وسیم جونیئر، روحیل نذیر، سعد خان اور ثمین گل شامل ہیں ۔پاکستان شاہینز کا ریڈ بال سکواڈ آج سے ٹریننگ کا آغاز کریگا اور سری لنکا اے 9 نومبر کو ٹریننگ کا آغاز کر یگی ۔دریں اثنا وائٹ بال سیریز کے کھلاڑی 22 نومبر کو اسلام آباد میں جمع ہونگے اور تین ایک روزہ میچوں کی سیریز 25، 27 اور 29 نومبر کو کھیلی جائیگی۔ پی سی بی نے اس سیریز کیلئے میچ آفیشلز کا بھی اعلان کردیا ہے ۔ اقبال شیخ 11-14 نومبر اور 18-21 نومبر کے میچز کیلئے پلیئنگ کنٹرول ٹیم کی قیادت کر ینگے جبکہ بلال خلجی 50 اوورز کے تین میچوں کے میچ ریفری ہونگے ، دونوں میچ ریفریز پی سی بی ایلیٹ پینل آف میچ ریفریز کا حصہ ہیں۔پانچ میچوں میں امپائرنگ کی ذمہ داریاں آصف یعقوب ،راشد ریاض،عمران جاوید اور ذوالفقار جان سنبھالیں گے ۔دونوں چار روزہ میچز صبح ساڑھے 9بجے جبکہ ون ڈے میچز صبح 9 بجے شروع ہونگے ۔ تمام میچز راولپنڈی سٹیڈیم میں کھیلے جائیں گے ، سری لنکا اے 8نومبر کو اسلام آباد پہنچے گی۔
