13 ہزار کمانے والے نے گرل فرینڈ کو 4 مہنگے فلیٹ دیدیئے
نئی دہلی(نیٹ نیوز)بھارت میں 13 ہزار روپے تنخواہ والے کنٹریکٹ سرکاری ملازم نے گرل فرینڈ کو 4 مہنگے فلیٹس اور ہیرے جڑے گلاسز تحفے میں دے دئیے۔
بھارتی میڈیا کے مطابق ریاست مہاراشٹر میں سرکاری سپورٹس کمپلیکس میں کمپیوٹر آپریٹر کی ملازمت کرنے والے ہرشل کمار نے بڑے پیمانے پر مالی فراڈ کیا۔ ہرشل کمار کی ساتھی اور اس کے شوہر کو گرفتار کرلیا گیا جبکہ وہ خود فرار ہوگیا۔ پولیس حکام کا کہنا ہے کہ 23 سالہ ہرشل کمار نے سپورٹس کمپلکس کے پرانے لیٹر ہیڈز پر بینک کو ای میل کی اور رقم منتقل کرنے کو کہا۔ ہرشل نے یکم جولائی سے 7 دسمبر تک 13 مختلف بینک اکاؤنٹس میں 6۔21 کروڑ روپے ٹرانسفر کروائے۔ ہرشل کمار نے اس رقم سے مہنگی ترین گاڑیاں اور موٹر بائیک خریدی۔ ہرشل نے اپنی گرل فرینڈ کو 4 انتہائی مہنگے فلیٹس اور ہیرے جڑے سن گلاسزبھی تحفے میں دئیے۔
روزنامہ دنیا ایپ انسٹال کریں
