ٹیسٹ رینکنگ:بولرز میں پاکستان کے نعمان علی کی نویں پوزیشن
دبئی (سپورٹس ڈیسک )آئی سی سی نے ٹیسٹ پلیئرزکی رینکنگ جاری کر دی۔ بیٹنگ رینکنگ میں جو روٹ کا پہلا نمبر برقرار ہے جبکہ انگلینڈ کے ہیری بروک ایک درجے ترقی کے بعد تیسرے نمبر پر آ گئے ۔۔
۔بھارت کے رشبھ پنت پانچ درجے ترقی کے بعد چھٹے نمبر پر آ گئے ہیں۔ نیوزی لینڈ کے ڈیرل میچل 8 درجے ترقی کے بعد ساتویں نمبر پر آ گئے ۔ قومی ٹیم کے سابق کپتان بابر اعظم ایک درجے ترقی کے بعد 17ویں نمبر پر موجود ہیں۔سلمان آغا ایک درجے ترقی کے بعد 19 ویں نمبر پر آ گئے ، محمد رضوان دو درجے ترقی کے بعد 20 ویں نمبر پر آ گئے ۔ ٹیسٹ بولرز میں ساؤتھ افریقا کے کگیسو ربادا کا پہلا نمبر برقرار ہے ۔ پاکستان کے نعمان علی کی نویں پوزیشن ہے ۔بھارت کے رویندرا جڈیجا دو درجے ترقی کے بعد چھٹے اورکیشو مہاراج چار درجے ترقی کے بعد 19ویں نمبر پر آ گئے ۔ٹیسٹ آل راؤنڈرز میں بھارت کے رویندرا جڈیجا کا پہلا نمبر ہے ۔
