آسٹریلیا کیخلاف ٹی20سیریز، 6قومی کھلاڑیوں کا تربیتی کیمپ ختم
کراچی (سپورٹس ڈیسک )آسٹریلیا کے خلاف ٹی ٹوئنٹی سیریز کیلئے پاکستان ٹیم کے چھ کھلاڑیوں کا تربیتی کیمپ کراچی میں ختم ہوگیا۔ کھلاڑی 10 نومبر کو آسٹریلیا روانہ ہونگے۔۔
نیشنل بینک کرکٹ ایرینا میں پاکستان ٹی ٹونٹی سکواڈ کے کھلاڑیوں نے پانچ روز ٹریننگ کی، جہاں فیلڈنگ اور کیچز کے علاوہ بیٹنگ و بولنگ کی بھی مشقیں کی گئیں،آسٹریلین کنڈیشن سے ہم آہنگ ہونے کیلئے بیٹرز نے ماربل کی سلیب پر بھی بیٹنگ پریکٹس کی۔اس دوران عمیر بن یوسف نے کہا کہ ان کی فیورٹ نمبر تو اوپننگ یا ون ڈاؤن ہے لیکن انہیں چھ نمبر تک کسی بھی پوزیشن پر بیٹنگ کا تجربہ ہے ۔لیفٹ آرم فاسٹ بولر جہانداد خان نے کہا کہ اگر انہیں موقع ملا تو وہ اپنی سلیکشن کو درست ثابت کرینگے ، ٹی ٹونٹی سکواڈ کے چھ کھلاڑی عثمان خان، عباس آفریدی، عمیر بن یوسف، جہانداد خان، صاحبزادہ فرحان اور سفیان مقیم اپنے گھروں کو روانہ ہوگئے ۔
