شاید بابر اعظم کا یہ آخری ٹی ٹونٹی ہو،باسط کی پیشگوئی
کراچی (سپورٹس ڈیسک)سابق پاکستانی کرکٹر باسط علی نے پیشگوئی کرتے ہوئے کہا ہے کہ جب تک عاقب جاوید ہیڈ کوچ ہیں شاید بابر اعظم کا یہ آخری ٹی 20 میچ ہو۔ باسط علی نے ایک پروگرام میں کہا کہ جو نظر آرہا ہے ۔۔
وہ کہہ رہا ہوں، آپ کا پریمیئم بیٹر ہے جس کی تین میچوں میں 14 رنز کی اوسط ہے ، کس بات کا بیٹر ہے جو 8 اوور پہلے آؤٹ ہوجاتا ہے ۔ باسط علی کا کہنا تھا کہ باقی کرکٹرز کے پاس بابر اعظم جتنا تجربہ نہیں ہے ۔باسط علی نے کہا کہ ان کے رنز کا کیا فائدہ جب آپ پچ پر نہ ٹھہر سکیں، باسط علی نے کہا کہ اگر بابر اعظم کلاسیکل بیٹر ہیں تو ٹی ٹونٹی میں کلاسیکل بیٹنگ نہیں چاہیے ہوتی وہاں آپ کو سٹرائیک ریٹ کے ساتھ بیٹنگ کرنی ہوتی ہے آپ وہ بھی نہیں کررہے ۔
روزنامہ دنیا ایپ انسٹال کریں
