پی سی بی کا چیمپئنز ٹی ٹونٹی کپ کیلئے قائد اعظم ٹرافی کو بریک لگانے کا فیصلہ
لاہور(سپورٹس ڈیسک )پی سی بی نے چیمپئنز ٹی ٹوئنٹی کپ کیلئے قائد اعظم ٹرافی کو بریک لگانے کا فیصلہ کیا ہے ۔
ذرائع کے مطابق چیمپئنز ٹی ٹوئنٹی کپ7 سے 25 دسمبر تک راولپنڈی میں کھیلا جائے گا۔ قائد اعظم ٹرافی کا ٹرائینگولر مرحلہ 26 نومبر سے شروع ہوگا، چیمپئنز ٹی ٹوئنٹی کپ کیلئے قائد اعظم ٹرافی کو روک دیا جائے گا۔ ٹرائینگولر مرحلے کے ابتدائی 2 میچز ایبٹ آباد میں ہونگے ، ٹرائینگولر مرحلے کے 2 میچز کے بعد قائد اعظم ٹرافی کو روک کر ٹی ٹوئنٹی ایونٹ ہوگا۔ذرائع کا کہنا ہے کہ ٹرائینگولر مرحلے کا تیسرا میچ اور قائد اعظم ٹرافی کا فائنل چیمپئنز ٹی ٹوئنٹی کپ کے بعد ہوگا۔
پی سی بی نے اس سے قبل چیمپئنز ٹی ٹوئنٹی کپ 21 دسمبر سے 2 جنوری تک کرانے کا اعلان کیا تھا۔
روزنامہ دنیا ایپ انسٹال کریں
