وائرل تصویر انوشکااورویرات کے بیٹے آکائے کی نہیں :کوہلی کی بہن کی تردید
ممبئی (سپورٹس ڈیسک ) میں بھارت اور آسٹریلیا کے درمیان پرتھ ٹیسٹ کے تیسرے روز ایک تصویر وائرل ہوئی جس میں گود میں اٹھائے بچے کو سٹینڈز میں دکھایا گیا تھا۔
اس تصویر کے وائرل ہونے کے بعد مداح کہیں اسے ویرات اور انوشکا کے بیٹے کی پہلی جھلک سمجھ رہے تھے تو کہیں ‘آکائے ’ کی تصویر وائرل ہونے پر براڈ کاسٹرز کو تنقید کا نشانہ بنارہے تھے ۔
کچھ بھارتی میڈیا رپورٹس میں اس تصویر کو کوہلی انوشکا کے بیٹے کی پہلی جھلک کے طور پر رپورٹ کیا گیا تھا۔ تاہم اب ویرات کوہلی کی بہن بھاونا کوہلی نے حقیقت واضح کرنے کے لیے انسٹاگرام سٹوری شیئر کی جس میں انہوں نے بتایا کہ ‘سوشل میڈیا پر انوشکا اور ویرات کے دوست کی بیٹی کو آکائے دکھایا جارہا ہے جو کہ غلط ہے ، یہ تصویر ہمارے آکائے کی نہیں ہے ’۔
روزنامہ دنیا ایپ انسٹال کریں
