بچے کی پیدائش اورمنگنی ،تیسراون ڈے یادگاربن گیا
جوہانسبرگ(سپورٹس ڈیسک )پاکستان اور جنوبی افریقہ کے مابین تیسرا ون ڈے دو منفرد واقعات کی وجہ سے یادگار بن گیا۔
جوہانسبرگ کے وانڈررز سٹیڈیم میں پاکستان اور جنوبی افریقہ کے مابین تیسرے ون ڈے کے دوران سٹیڈیم میں موجود خاتون نے بچے کو جنم دیا۔بچے کی پیدائش اسٹیڈیم کی میڈیکل فیسیلٹی میں ہوئی جہاں موجود ڈاکٹرز اور طبی عملے نے خاتون کو مدد فراہم کی۔بچے کی پیدائش کے بعد اسکور بورڈ پر "مسٹر اور مسز رابینگ کو صحت مند بیٹے کی پیدائش پر مبارکباد" کے الفاظ بھی رونما ہوئے ۔دوسری جانب میچ کے دوران ایک تماشائی نے اپنی گرل فرینڈ کو پرپوز کیا اور جوڑے نے آپس میں منگنی کرلی،مذکورہ شخص نے گھٹنے کے بل بیٹھ کر اپنے ساتھی کو انگوٹھی پیش کی جس کا وہاں موجود پرجوش تماشائیوں نے زوردار تالیاں بجاکر خیر مقدم کیا۔
روزنامہ دنیا ایپ انسٹال کریں
