بیٹرز نے اچھی بیٹنگ کی، صائم اور بابر نے عمدہ اننگز کھیلی:سفیان
جوہانسبرگ(سپورٹس ڈیسک )قومی ٹیم کے فاسٹ بولر محمد حسنین اور سپنر سفیان مقیم نے جنوبی افریقہ کے خلاف آخری ون ڈے میچ میں ٹیم اوراپنی کارکردگی پر بات کی ۔۔
پی سی بی ڈیجیٹل کی جانب سے دونوں کھلاڑیوں کی ایک دوسرے سے بات چیت کی ویڈیو سوشل میڈیا پر شیئر کی گئی۔ سفیان مقیم نے کہاکہ ہ کپتان رضوان مجھے بار بار دیکھ رہے تھے اور بیک کر رہے تھے ، ہر بال کے بعد کپتان مجھے تیار رہنے کا کہہ رہے تھے ۔ ہمارے بیٹرز نے اچھی بیٹنگ کی، صائم اور بابر نے عمدہ اننگز کھیلی۔فاسٹ بولر محمد حسنین نے کہا کہ عاقب جاوید نے جو بتایا اس پر عمل کیا۔ ٹریننگ کے دوران عاقب جاوید سے بہت کچھ سیکھنے کو مل رہا ہے ۔
روزنامہ دنیا ایپ انسٹال کریں
