برٹش جونیئر اوپن سکواش، پاکستان کے سہیل عدنان کوارٹر فائنل میں پہنچ گئے
لاہور(سپورٹس ڈیسک ):برٹش جونیئر اوپن سکواش ٹورنامنٹ میں پاکستان کے سہیل عدنان کوارٹر فائنل میں پہنچ گئے ۔
انڈر 13 کیٹیگری کے پری کوارٹر فائنل میں سہیل عدنان نے ملائیشیا کے وائین آئزیک ولسن کو شکست دی۔سہیل عدنان نے مقابلہ 4-11، 7-11 اور 5-11 سے اپنے نام کیا۔اس سے قبل سہیل نے پہلے راؤنڈ میں جرمنی کے میٹس اولیور اور دوسرے راؤنڈ میں اسکاٹ لینڈ کے کیلم اسمتھ کو شکست دی تھی۔برٹش جونیئر سکواش میں دیگر پاکستانی کھلاڑی کوئی خاطر خواہ کارکردگی کا مظاہرہ نہ کرسکے ۔
روزنامہ دنیا ایپ انسٹال کریں
