سابق آسٹریلوی کرکٹر کیتھ سٹیک پول چل بسے
میلبرن (سپورٹس ڈیسک )آسٹریلیا کے سابق کرکٹر کیتھ سٹیک پول 84 سال کی عمر میں چل بسے ۔دائیں ہاتھ کے اوپنر کیتھ سٹیک پول نے 1966ء سے 1974ء کے دوران 43 ٹیسٹ میچز میں آسٹریلیا کی نمائندگی کی جس میں انہوں نے 37.42 کی اوسط سے 2807 رنز بنائے۔۔۔
جن میں 7 سنچریاں بھی شامل تھیں۔علاوہ ازیں انہوں نے 6 ون ڈے انٹرنیشنل میچز میں 224 رنز سکور کئے تھے ،کیتھ سٹیک پول نے 1971ء میں میلبورن کرکٹ گراؤنڈ میں انگلینڈ کے خلاف کھیلے جانے والے تاریخ کے پہلے ون ڈے انٹرنیشنل میچ میں بھی حصہ لیا تھا۔اس میچ میں انہوں نے لیگ سپن بولنگ کے ذریعے 3 وکٹیں حاصل کی تھیں۔کرکٹ سے ریٹائرمنٹ لینے کے بعد سٹیک پول نے ریڈیو اور ٹی وی کمنٹری بھی کی جسے بے حد پسند کیا گیا۔
روزنامہ دنیا ایپ انسٹال کریں
