سابق آسٹریلوی کرکٹر ڈیمین مارٹن کوما میں چلے گئے
سڈنی(سپورٹس ڈیسک)سابق آسٹریلوی کرکٹر ڈیمین مارٹن کو تشویشناک حالت کے باعث برسبین کے ہسپتال میں داخل کرادیا گیا ہے ، سابق آسٹریلوی کرکٹر کوما میں چلے گئے ۔
سابق آسٹریلوی کرکٹر ڈیمین مارٹن2003 کا ورلڈ کپ جیتنے والی ٹیم کا حصہ تھے ، انہیں گردن توڑ بخار کا بتایا گیا ہے ، وہ اس وقت کوما میں جا چکے ہیں۔رپورٹس کے مطابق 54 سالہ ڈیمین مارٹن کرسمس ڈے کے موقع پر شدید بیمار ہونے کی وجہ سے زمین پر گر گئے تھے ۔Damien Martynکے اچانک بیمار ہونے پر کرکٹ آسٹریلیا اور کرکٹرز نے تشویش کا اظہار کیا ہے ۔سابق وکٹ کیپر بیٹر ایڈم گلکرسٹ نے کہا کہ برسبین کے ہسپتال میں ڈیمین مارٹن کا بہترین علاج جاری ہے ۔چیف ایگزیکٹو کرکٹ آسٹریلیا ٹوڈ گرین برگ کے مطابق ڈیمین کی بیماری کا سن کر افسوس ہوا ہے ۔ مارٹن نے 67 ٹیسٹ، 208 ون ڈے اور 4 ٹی ٹونٹی میچز میں آسٹریلیا کی نمائندگی کی۔
