ٹی ٹونٹی ورلڈ کپ:ہربھجن سنگھ کی سیمی فائنلسٹ ٹیموں کی پیش گوئی
ممبئی (سپورٹس ڈیسک) سابق بھارتی آف سپنر ہربھجن سنگھ نے آئی سی سی مینز ٹی ٹونٹی ورلڈ کپ 2026 کے ممکنہ سیمی فائنلسٹ ٹیموں سے متعلق پیش گوئی کر دی۔
اور کہا کہ دو مرتبہ کی عالمی چیمپئن انگلینڈ کے پاس مضبوط ٹیم ہونے کے باوجود اس بار سیمی فائنل تک رسائی مشکل ہو سکتی ہے ۔انہوں نے بھارت کو ہوم گراؤنڈ کا فائدہ قرار دیتے ہوئے کہا کہ بھارتی ٹیم مقامی کنڈیشنز سے بخوبی واقف ہے اور یہی چیز اسے دیگر ٹیموں پر برتری دیتی ہے ، تاہم بھارت کی کامیابی کا دار و مدار اس بات پر ہو گا کہ وہ ورلڈ کپ کے دباؤ کو کس حد تک بہتر انداز میں سنبھالتے ہیں۔ہربھجن سنگھ نے بھارت کے علاوہ آسٹریلیا اور جنوبی افریقہ کو بھی سیمی فائنل کے لیے مضبوط امیدوار قرار دیا جبکہ چوتھی ٹیم کے طور پر افغانستان کا انتخاب کیا۔ انہوں نے سابق چیمپئن ویسٹ انڈیز (2012 اور 2016 کی فاتح) کو بھی اپنی فہرست سے باہر رکھا۔
