انجینئر نے دنیا کی سب سے لمبی کھلونا بندوق بنا لی
امریکی سافٹ ویئر انجینئر نے اپنے بچپن کا شوق منفرد انداز سے پورا کرتے ہوئے 12.5 فٹ لمبی کھلونا بندوق تیار کرکے گنیز بُک آف ورلڈ ریکارڈ میں اپنا نام درج کروا دیا ہے
الاباما(نیٹ نیوز)ریاست الاباما کے شہر ہنٹس ویلی کے رہائشی اور یوٹیوبر مائیکل پک نے ‘‘نرف این سٹرائیک ایلیٹ لانگ شاٹ سی ایس 6’’ کہلانے والی کھلونا بندوق کی نقل تیار کرلی ہے ۔12 فٹ 6 اِنچ (12.5 فٹ) لمبائی کے ساتھ، یہ کھلونا اصل بندوق کے مقابلے میں 300 فیصد بڑا ہے ۔اسے سخت پلاسٹک کے مختلف ٹکڑوں کو بڑی مہارت سے آپس میں جوڑ کر تیار کیا گیا ہے جبکہ یہ اصل ‘‘نرف’’ کھلونا بندوق کی طرح فائر بھی کرسکتی ہے جو بالکل بے ضرر ہوتے ہیں۔گنیز ورلڈ ریکارڈ کی ٹیم نے بھی اس بندوق کا معائنہ کرنے کے بعد تصدیق کردی ہے کہ یہ واقعی میں دنیا کی سب سے لمبی کھلونا بندوق ہے ۔
روزنامہ دنیا ایپ انسٹال کریں
