50فیصد نوجوانوں کا ہوم ورک کیلئے مصنوعی ذہانت کا استعمال
لندن(نیٹ نیوز)نئی تحقیق میں بتایا گیا ہے کہ گزشتہ برس 50 فی صد سے زائد نوجوانوں نے ای میل، سکول کے کام یا نوکری کے کام کیلئے مصنوعی ذہانت کے چیٹ بوٹ کا استعمال کیا ہے ۔
برطانوی کمپنی نومینیٹ کی جانب سے آٹھ سے 25 سال کے 4000 ہزار افراد کا سروے کیا گیا۔ کمپنی کی جانب سے یہ ڈیٹا نئے ڈیجیٹل یوتھ اِنڈیکس میں پیش کی گیا۔ اس اشاریے میں نوجوانوں کے آن لائن رویوں اور عادات کا جائزہ لیا جاتا ہے ۔نومینیٹ کے سی ای او پال فلیچر کا کہنا تھا کہ یہ بات حوصلہ افزا تھی کہ نوجوان مصنوعی ذہانت کی ٹیکنالوجی کو اپنا رہے ہیں۔سروے میں شامل افراد کے 94 فی صد نے بتایا کہ وہ خود کو آن لائن محفوظ محسوس کرتے ہیں۔ تاہم 76 فی صد کا کہنا تھا کہ انٹرنیٹ پر ان کو ناخوشگوار مواد کا سامنا رہا ہے ۔ فلیچر کا کہنا تھا کہ ناخوشگوار مواد میں اضافہ اس بات کو واضح کرتا ہے کہ آن لائن نقصان سے نمٹنا نوجوانوں کیلئے اہم ہے ۔
