خلا میں زندگی کی تلاش کیلئے ڈریگن فلائی مشن بھیجنے کا منصوبہ
واشنگٹن(نیٹ نیوز)امریکی خلائی ادارہ ناسا نظامِ شمسی کے چھٹے سیارے زحل کے چاند پر زندگی کی تلاش کیلئے ڈرون بھیجنے کی منصوبہ بندی کر رہا ہے۔
ڈریگن فلائی پروب زمین سے تقریباً 74 کروڑ 50 لاکھ میل فاصلے پر موجود زحل کے سب سے بڑے چاند ٹائٹن کا معائنہ کرے گا۔اس سپیس کرافٹ کی لانچ جولائی 2028 میں متوقع ہے جو ٹائٹن تک 2034 میں پہنچے گا۔ناسا کی جانب سے اس مشن کے متعلق اعلان 2019 میں کیا گیا تھا اور اب چار برس کے اندر اس منصوبے کو عملی جامہ پہنا دیا جائیگا۔اس وقت کے ناسا ایڈمنسٹریٹر جم برائڈنسٹائن کا کہنا تھا کہ ڈریگن فلائی مشن کے ساتھ ناسا ایک بار پھر ایک ایسا کام کرے گا جو کوئی اور نہیں کر سکتا۔ان کا کہنا تھا کہ پُراسرار بحری دنیا کے حوالے سے تحقیق کائنات میں زندگی کے متعلق معلومات میں انقلابی تبدیلی لا سکتی ہے۔
روزنامہ دنیا ایپ انسٹال کریں
