12 روبوٹس دوسری کمپنی کے روبوٹ کیجانب سے اغوا
شنگھائی (نیٹ نیوز)ایک چینی روبوٹک کمپنی کے سی سی ٹی وی کیمرہ کی جانب سے محفوظ کیے فوٹیج میں دکھایا گیا ہے ۔
کہ کمپنی کے شو روم سے 12 بڑے روبوٹس کو ایک اور کمپنی کے تیار کردہ روبوٹ نے اغوا کرنے کے لیے مذکورہ بالا روبوٹس کو راضی کیا کہ وہ یہ جاب چھوڑ کر اس کے ساتھ چلیں۔ روبوٹس کے اغوا کا یہ واقعہ شنگھائی کے ایک شوروم میں پیش آیا تھا۔ فوٹیج میں دیکھا جاسکتا ہے کہ نگرانی کرنے والے نظام نے جو منظر ریکارڈ کیا اس کے مطابق ایک چھوٹا روبوٹ رات میں شو روم میں داخل ہوکر آہستہ آہستہ رولنگ اوور کرتے ہوئے متعدد روبوٹس سے ڈائیلاگ کرتا ہے اور کہتا ہے کہ کیا تم اوور ٹائم کر رہے ہو؟ پھر کسی طرح ان روبوٹس کو یہاں سے نکلنے پر تیار کرلیتا ہے ، جس کے بعد 10روبوٹس اس کے پیچھے چل پڑتے ہیں۔ کمپنی نے اس کا اعتراف کیا کہ اس کے روبوٹس کو کسی اور ادارے کے تیار کردہ روبوٹس نے اغوا کیا تھا۔
