دنیا کی بہترین عمارت کا اعزاز آسٹریلوی سکول کے نام
سنگاپور (نیٹ نیوز) کے لیے دنیا کی بہترین عمارت کا اعزاز آسٹریلوی عمارت نے اپنے نام کر لیا۔
میڈیا رپورٹس کے مطابق دنیا بھر کی معروف فلک بوس عمارتوں، عجائب گھروں، ہوائی اڈوں کے خوبصورت ٹرمینلز کو پیچھے چھوڑتے ہوئے حیرت انگیز طور پر ‘ورلڈ بلڈنگ آف 2024ء’ کا اعزاز سڈنی کے مضافاتی علاقے چیپینڈیل میں قائم ایک سکول کی عمارت نے اپنے نام کیا ہے ۔سنگاپور میں منعقدہ ‘ورلڈ آرکیٹیکچر فیسٹیول (ڈبلیو اے ایف) ’ کے دوران چیپینڈیل کے ایک سکول ‘ڈارلنگٹن پبلک’ کی عمارت کو رواں سال کی بہترین عمارت کا تاج پہنایا گیا۔امریکی میڈیا کی رپورٹس کے مطابق ڈارلنگٹن پبلک سکول گزشتہ برس کے اختتام پر فعال ہوا تھا، جسے دنیا بھر کی خوبصورت اور بہترین ڈیزائن کی گئی 220 عمارتوں میں سے شارٹ لسٹ کیا گیا۔
روزنامہ دنیا ایپ انسٹال کریں
