59سالہ خاتون کا ایک گھنٹے میں 1575 پش اپس لگانے کا ریکارڈ
ٹورنٹو(نیٹ نیوز)کینیڈا کی ایک ادھیڑ عمر خاتون نے ایک گھنٹے میں 1575 پُش اپس لگا کر اپنا دوسرا گینیز ورلڈ ریکارڈ قائم کر دیا۔
البرٹا سے تعلق رکھنے والی 59 سالہ ڈونا جین وائلڈ وقت پورا ہونے سے 17 منٹ پہلے گزشتہ ریکارڈ کو عبور کر گئیں۔گینیز ورلڈ ریکارڈ سے گفتگو کرتے ہوئے ڈونا جین وائلڈ کا کہنا تھا کہ وہ خوشی کے آنسوؤں اور جذبات سے لڑتی رہیں اور کوشش جاری رکھی۔ وہ باقی 17 منٹوں میں زیادہ سے زیادہ پش اپس لگانے کا ارادہ رکھتی تھیں۔اس سے قبل ڈونا خواتین کی کیٹیگری میں 4گھنٹے 30منٹ اور 11 سیکنڈ تک ایبڈومنل (پیٹ کے بل) پلینک پوزیشن کا گینیز ورلڈ ریکارڈ بھی اپنے نام کر چکی ہیں۔خاتون نے جب اس ریکارڈ کی کوشش کی تو موقع پر ان کے 12 پوتے پوتیوں اور نواسے نواسیوں میں سے 11 موجود تھے ۔
روزنامہ دنیا ایپ انسٹال کریں
