شناخت کیلئے بینک نے بیمار خاتون کو بستر سمیت بلوا لیا
اواکساکا (نیٹ نیوز)میکسیکو کے شہر اواکساکا میں ایک بینک نے 96 سالہ معمر خاتون کو شناخت کی تصدیق کے لیے بستر سمیت بینک برانچ میں حاضر ہونے پر مجبور کیا جس پر بینک کو شدید تنقید کا سامنا کرنا پڑ رہا ہے۔
فیڈیلیا واسکیز نونو نامی خاتون جو مختلف بیماریوں کے باعث بستر سے اٹھنے سے قاصر تھیں، کو ایمبولینس کے ذریعے اسٹریچر پر بینک برانچ لایا گیا۔ان کے بیٹے نے بتایا کہ انہوں نے بینک کو خاتون کی شناخت کی تصدیق کے لیے تمام ضروری دستاویزات، وکالت نامہ اور قانونی نمائندگی کے کاغذات جمع کروائے تھے لیکن بینک نے اصرار کیا کہ خاتون کو خود برانچ میں آنا ہوگا۔یہ اقدام اس وقت اٹھایا گیا جب خاتون کی بائیو میٹرک رجسٹریشن میں خرابی کے باعث ان کی پنشن کی ادائیگی چھ ماہ سے معطل تھی۔ عوام نے بینک کے اس اقدام کو بے حس اور غیر انسانی قرار دیا۔
روزنامہ دنیا ایپ انسٹال کریں
