آم کتنا میٹھا اور رسیلا ہے ، کاٹے بغیر چیک کریں
لاہور(نیٹ نیوز)اگرچہ عام طور پر ریڑھی والے آم کے میٹھا ہونے کا یقین دلانے کیلئے گاہگ کو آم کا تھوڑا حصہ کاٹ کر پیش کرتے ہیں لیکن کم لوگ جانتے ہیں کہ۔۔۔
آم کو کاٹے بغیر ہی اسکی مٹھاس کا پتہ چند طریقوں سے کیا جا سکتا ہے ۔ پکنے والا آم اپنی مٹھاس کی وجہ سے خوشبو خارج کرتا ہے ۔ آم اوپری حصے سے سونگھیں، اگر خوشبو میٹھی ہو تو آم پکا ہوا اور میٹھا ہوگا۔ہر قسم کے آم کا رنگ مختلف ہوتا ہے مگر عموماً پکنے پر رنگ ہلکا پیلا یا نارنجی ہوجاتا ہے ۔ اگر آم زیادہ سبز ہے تو یہ کچا ہو سکتا ہے ۔پکنے والا آم تھوڑا نرم ہوتا ہے ۔ اگر ہلکا دباؤ دینے پر آم تھوڑا دب جائے تو یہ اندر سے میٹھا ہو سکتا ہے ۔ زیادہ سخت آم اکثر کچے ہوتے ہیں۔میٹھے آم میں رس زیادہ ہوتا ہے جس کی وجہ سے یہ اپنے سائز سے تھوڑا زیادہ وزنی محسوس ہوتا ہے ۔ اگر آم وزن میں ہلکا محسوس ہو تو شاید یہ زیادہ میٹھا اور رسیلا نہ ہو۔
