شدید گرمی کی لہر، پارہ ہائی،بجلی کی لوڈشیڈنگ کا دورانیہ بھی بڑھ گیا
کراچی(این این آئی)اکتوبر کے مہینے میں بھی شہر قائد میں شدید گرمی کی لہر جاری، پارہ ہائی ہوگیا ہے ۔کراچی میں شدید گرمی میں بجلی کی بندش کا دورانیہ کے الیکٹرک نے بڑھا دیا ۔۔۔
جس کے بعد شہر بھر کے مختلف علاقوں میں 12 سے 16 گھنٹوں کی لوڈ شیڈنگ کی جارہی ہے ۔سرجانی، اورنگی ٹاؤن، قصبہ کالونی، محمود آباد، عظم بستی، لانڈھی کورنگی اور شاہ فیصل کالونی میں 14 سے 18 گھنٹوں کی لوڈ شیڈنگ جاری ہے ، اس کے علاوہ ملیر، ماڈل کالونی قائد آباد، کھوگھرا پار، لٹ بستی، منظور کالونی، صفورہ کے علاقوں میں بھی 14 سے 16 گھنٹوں کی بجلی بند رکھنا روز کا معمول بن گیا ہے ۔نارتھ ناظم آباد، نارتھ کراچی، گلستان جوہر، گلشن اقبال، ایف بی ایریا میں بھی 10 سے 12 گھنٹے بجلی کی بندش کی جارہی ہے ۔اہل کراچی نے کہا کہ شدید گرمی میں کے الیکٹرک شہریوں کے صبر کا امتحان لینے لگا، حکومت کے الیکٹرک کو لگام دے۔
