اسلام آباد(دنیا نیوز)خیبر پختونخوا بلدیاتی انتخابات کے حوالے سے چیف الیکشن کمشنر سردار رضا کا کہنا ہے کہ پولیس پولنگ عملے کی مدد کے بجائے کسی اور کے ہاتھوں میں کھیلتی رہی ، دوبارہ انتخابات کرانا بچوں کا کھیل نہیں۔
خیبر پختونخوا بلدیاتی انتخابات میں بدانتظامی سے متعلق کیس کی سماعت کے دوران چیف الیکشن کمشنر سردار رضا نے ریمارکس دیتے ہوئے کہا کہ انتخابات کے دوران خیبر پختونخوا پولیس کی آنکھیں بند تھیں ،بلدیاتی انتخابات کے دوران امن و امان کی صورتحال پر توجہ نہیں دی گئی ۔ پولیس پولنگ عملے کی مدد کے بجائے کسی اور کے ہاتھوں میں کھیلتی رہی ، چیف الیکشن کمشنر نے کہا نوکری خدا کے ہاتھ میں ہے کسی خٹک ، بنگش یا سید کے ہاتھ میں نہیں ، انہوں نے کہا دوبارہ انتخابات کرانا بچوں کا کھیل نہیں ، دوبارہ انتخابات کرانے کی بات کرنے والوں کا علاج کریں گے ، چیف الیکشن کمشنر سردار رضا نے کہا کسی بھی جگہ دوبارہ انتخابات کرانے کا فیصلہ ہم نے کرنا ہے ۔ خیبر پختونخوا حکومت دوبارہ الیکشن کرا کے کونسا تیر مار لے گی۔
روزنامہ دنیا ایپ انسٹال کریں
سے اہم مضامین پڑھیئے 
