ماڈلنگ،ڈراموں کی وجہ سے فلموں سے دور ہوں:زینب
لوگ کامیڈی دیکھنا چاہتے ، تفریحی فلموں کا نیا دور شروع ہوچکا:اداکارہ
کراچی (سٹاف رپورٹر)اداکارہ و ماڈل زینب قیوم المعروف زیڈ کیو نے کہا ہے کہ ماڈلنگ اور ٹی وی ڈراموں میں مصروفیات کی بنا پرفلموں سے دور ہوں ۔ انہوں نے کہا تفریحی فلموں کا ایک نیا دور شروع ہوچکا ہے ۔فلم جوانی پھر نہیں آنی 2 کی ریکارڈ ساز کامیابی نے بتادیا ہے کہ لوگ تفریح سے بھرپور کامیڈی فلمیں دیکھنا چاہتے ہیں ۔ ان خیالات کا اظہار انہوں نے نمائندہ دنیا سے گفتگو کرتے ہوئے کیا۔ ان کا کہنا تھا کہ اچھے و معیاری ڈرامے میں کام کرنے کی خواہش مند ہوں۔ کم وقت میں اچھا کام کرکے اپنے آپ کو ایک بار پھر منوانا چاہتی ہوں۔ مجھے اب تک بھارتی اور پاکستانی فلموں میں کام کرنے کی آفرز ملتی رہی ہیں۔ اچھے کردار اور جاندار سکرپٹس میری ترجیح ہے ۔
روزنامہ دنیا ایپ انسٹال کریں
