پریانکا چوپڑانے نک جونزسے اپنی محبت کی وجہ بتادی
کسی بھی رشتے کو قائم رکھنے کیلئے عزت اور بھروسہ ضروری ہے :اداکارہ
ممبئی(آن لائن) ناموربالی ووڈ اداکارہ پریانکا چوپڑا نے امریکی گلوکار نک جونز کی محبت میں گرفتار ہونے کیوجہ بتادی۔ پریانکا نے کہا میں ایسے شخص کو اپنا جیون ساتھی بنانا چاہتی تھی جونا صرف میری اور میرے کام کی عزت کرے بلکہ میری زندگی بھر کی محنت کو سمجھے جبکہ وہ کامیابی جو میں نے کئی برسوں میں کام کرکے حاصل کی وہ اس کی بھی عزت کرے ، کسی بھی رشتے کو قائم رکھنے کے لیے عزت اور بھروسہ بہت ضروری ہے ۔سابق ملکہ حسن نے کہا میں چاہتی تھی کہ میری زندگی میں شامل ہونے والا شخص یہ سوچ رکھتا ہو کہ اگر اس کا کام ضروری ہے تو میرا کام بھی ضروری ہے ، اوراس کے لیے جتنا اہم اس کا نظریہ ہو اتنی ہی اہم میری بات بھی ہواوریہ وہ عزت ہے جو ایک دوسرے کو دی جاتی ہے ۔ نک میں یہ تمام چیزیں موجود ہیں اس لیے میں ان سے شادی کررہی ہوں۔
