برطانوی گلوکار ایڈ شیرن دنیا کے امیر ترین سٹارز میں شامل
2سال میں47ملین پاؤنڈ زکے22فارم ہاؤسز،مینشنز،مکانات اور فلیٹس خریدلئے
لندن (شوبز ڈیسک ) برطانیہ سے تعلق رکھنے والے 28 سالہ گلوکار ایڈ شیرن تاریخ کے مہنگے ترین گلوکاروں میں شمارہونے لگے ہیں ۔ایک برطانوی اخبار کی رپورٹ کے مطابق گزشتہ 2 برس کے دوران ایڈ شیرن نے خوب پیسہ کمایاتاہم اس کا صحیح تخمینہ نہیں لگایاجاسکا ،اس وقت ایڈ شیرن نے 22 فارم ہاؤسز، مینشنز ، مکانات اور فلیٹس خرید رکھے ہیں جن کی مجموعی مالیت 47 ملین پاؤنڈز بنتی ہے ۔برطانوی گلوکار اہلیہ چیری سی بورن کیساتھ آبائی علاقے میں مقیم ہیں لیکن انہوں نے لندن میں اپنے مینشن کے سامنے والے 2 مکانات بھی 19.8 ملین پاؤنڈ زاداکرکے خریدلئے ہیں ۔
روزنامہ دنیا ایپ انسٹال کریں
