ہوم ورک اور اسائنمنٹ مکمل کرنے کی صلاحیت رکھنے والا میکانکی روبوٹ
چین میں آج کل ایک عجیب خبر گرم ہے کہ ایک طالبہ نے نئے قمری نئے سال پر ملنے والے سکول کے کام کو ریکارڈ مدت میں ختم کرکے سب کو حیران کردیا لیکن بعد میں انکشاف ہوا کہ اس نے یہ کام ایک لکھاری روبوٹ کے ذریعے ختم کیا ہے ۔
بیجنگ(نیٹ نیوز)تفصیلات کے مطابق چین کے علاقے ہاربن سے تعلق رکھنے والی سیکنڈری جماعت ایک طالبہ نے 118 ڈالریا پاکستانی 15 ہزار روپے سے ایک میکانکی روبوٹ بنوایا جو بہت تیزی سے اس کے ہوم ورک اور اسائنمنٹ مکمل کرنے کی صلاحیت رکھتا تھا اور یوں اس نے فوری طور پر اپنا ہوم ورک ختم کرلیا، اس کی غلطیوں سے پاک اورنہایت صاف لکھائی دیکھ کر اس کی والدہ بھی پریشان ہوگئیں۔ اس کی ماں نے جب بچی کے کمرے کو دیکھا تو اندر سے دھات، تاروں اور دیگر اشیا سے بنا ایک آلہ برآمد ہوا۔لڑکی کی ماں نے وہ روبوٹ توڑدیا اور اس کی تفصیل سوشل میڈیا پر پوسٹ کرکے اپنی بیٹی کو دھوکے باز قرار دیا۔ اس نے پوسٹ میں لکھا کہ روبوٹ ہوم ورک تو کرسکتا ہے لیکن کیا یہ امتحان میں بھی کوئی مدد کرسکے گا؟۔ واضح رہے کہ چین میں روبوٹ سے ہوم ورک کروانا عام سی بات ہے اور ایسے روبوٹ 5 سے 20 ہزار روپے میں عام مل جاتے ہیں۔
