ہاتھوں سے محروم 10سالہ بچی نے رائٹنگ مقابلہ جیت لیا
چین سے تعلق رکھنے والی 10 سالہ بچی سارہ ہائنسلے نے دونوں ہاتھو ں سے محروم ہونے کے باوجود ’’نیشنل ہینڈ رائٹنگ کانٹیسٹ‘‘ میں ’’نیکولس میگزم ایوارڈ‘‘ جیت لیا
بیجنگ (نیٹ نیوز)چین سے تعلق رکھنے والی 10 سالہ بچی سارہ ہائنسلے نے دونوں ہاتھو ں سے محروم ہونے کے باوجود ’’نیشنل ہینڈ رائٹنگ کانٹیسٹ‘‘ میں ’’نیکولس میگزم ایوارڈ‘‘ جیت لیا۔عالمی نشریاتی ادارے کی رپورٹ کے مطابق 10 سالہ سارہ پیدائشی طور پرہی دونوں ہاتھوں سے محروم تھی تاہم کسی قسم کے کام کو ایک عام بچے کی طرح یا اس سے بہتر طور پر انجام دینے سے گھبراتی اور کتراتی نہیں ہے ۔ سارہ کا کہنا تھا کہ اس نے کبھی اس کام کو مشکل نہیں سمجھا ،اپنی کامیابی پر مجھے بے حد فخر محسوس ہوا ۔سارہ بائیک چلانے اور سوئمنگ کی بھی شوقین ہے ۔
روزنامہ دنیا ایپ انسٹال کریں
