ونڈوز XP کی سپورٹ8 اپریل 2014 کو ختم ہوجائے گی
ونڈوزXP بشمول ونڈوزXP پروفیشنل برائے ایمبیڈڈ سسٹمز اورآفس 2003کے لئے
لاہور(سٹاف رپورٹر ) مائیکروسافٹ کی سپورٹ 8اپریل 2014کوختم ہوجائے گی جس کے بعد صارفین کسی قسم کے بھی نئے سکیورٹی اپ ڈیٹس ، مفت یا پیڈمعاونتی سپورٹ آپشنز یا آن لائن مواد کے اپ ڈیٹس وصول نہیں کرسکیں گے ۔ ونڈوز 8.1 جدیدکاروباری اداروں کے لئے نئے OS (آپریٹنگ سسٹم )کے طور پرمارکیٹ میں آئی ہے اوراس کوونڈوز7 کی طرح تیز رفتار ڈیزائن کیا گیاہے ۔مائیکروسافٹ پاکستان کے کنٹری منیجر عامر نے کہا ہے کہ گزشتہ دہائی کے دوران کاروبار اور انفارمیشن ٹیکنالوجی میں ڈرامائی تبدیلی دیکھنے میں آئی ہے ۔نئے آپریٹنگ سسٹم ونڈوز 8.1 کیلئے جوش و خروش عروج پرپہنچ گیا ہے ۔جنرل منیجر انفارمیشن ٹیکنالوجی شاہین انشورنس محمدعمرزبیری نے کہا ہے کہ ونڈوز 8.1 بعض قابل ذکر خصوصیات کے ساتھ ونڈوز کمیونٹی کیلئے ایک تازہ اضافہ ہے ۔
