نیوز الرٹ
  • بریکنگ :- کھیلوں کےسب سےبڑے پروگرام کامیاب جوان اسپورٹس ڈرائیوکاآج افتتاح ہوگا
  • بریکنگ :- وزیراعظم عمران خان آج کامیاب جوان اسپورٹس ڈرائیوکاآغازکریں گے
  • بریکنگ :- منصوبےکےپہلےمرحلےمیں ہاکی،کرکٹ اورفٹبال سمیت 12کھیل شامل
  • بریکنگ :- 11سے25سال کےنوجوانوں بشمول خواتین کےلیےکھیلوں کےمقابلےمنعقد ہوں گے
Coronavirus Updates

اسٹیٹ بینک کی کارپوریٹ ادائیگیاں ڈیجیٹائز کرنے کی ہدایت

اسٹیٹ بینک کی کارپوریٹ ادائیگیاں ڈیجیٹائز کرنے کی ہدایت

دنیا اخبار

بینک 30یوم کے اندران اقدامات پر عملدرآمد کا روڈ میپ جمع کرائینگے ،سرکلر

کراچی(بزنس رپورٹر)اسٹیٹ بینک نے کارپوریٹ شعبے میں ادائیگیوں اور وصولیوں کی ڈیجیٹائزیشن کیلئے اپنے دائرہ کار میں آنے والے اداروں بشمول بینکوں، مائیکروفنانس بینکوں، پیمنٹ سسٹم آپریٹرز اور پیمنٹ سسٹم پرووائیڈرز کے لیے لازمی قرار دے دیا ہے کہ وہ کاروباری اداروں کو اپنی رقوم بھیجنے اور وصول کرنے کیلئے اپنے کارپوریٹ کلائنٹس کو ادائیگیوں کا ڈیجیٹل طریقہ فراہم کریں،اپنے حالیہ سرکلر میں اسٹیٹ بینک نے اپنے دائرہ کار میں آنے والے اداروں سے کہا ہے کہ وہ کارپوریشنز، کمپنیوں اور شراکت داریوں سمیت اپنے ادارہ جاتی کلائنٹس کو ڈیجیٹل طریقوں کے ذریعے بڑی رقوم کی ادائیگی کی سہولت مہیا کریں، اب اسٹیٹ بینک کے دائرہ کار میں آنے والے اداروں پر لازم ہے کہ وہ کارپوریٹس کیلئے ڈیجیٹل ادائیگیوں اور وصولیوں کے آن لائن پورٹلزوپلیٹ فارمز فراہم کریں جن میں آن لائن انٹربینک فنڈ ٹرانسفر سروسز، آن لائن بل انوائس شیئرنگ اور ادائیگی کی سہولتیں جیسے اوور دی کاؤنٹر ڈیجیٹل پیمنٹس سروسزوسہولتیں، پوائنٹ آف سیلز ٹرمنلز کے استعمال کے ذریعے کارڈ کی ادائیگیاں، کیو آر کوڈز، موبائل آلات، اے ٹی ایمز، کیوسک یا کوئی اور ڈیجیٹل ادائیگی کرنے والے آلات شامل ہیں،ان ہدایات پر عملدرآمد کی پیش رفت کا جائزہ لینے کے لیے اسٹیٹ بینک نے بینکوں سے کہا ہے کہ وہ 30 دن کے اندر ان اقدامات پر عملدرآمد کا روڈ میپ جمع کرائیں۔ بینکوں کے لیے یہ بھی لازم ہے کہ وہ اس بارے میں اسٹیٹ بینک کو سہ ماہی رپورٹیں جمع کرائیں کہ کاروباری اداروں کی کتنی تعداد کو انہوں نے ادائیگیوں اور وصولیوں کی ڈیجیٹائزیشن کی سہولت فراہم کی۔اسٹیٹ بینک کو توقع ہے کہ ان اقدامات سے ویلیو چین کی دستاویزیت بڑھے گی اور کاروباری اداروں کو اپنی بڑی رقوم کی لین دین کا انتظام کرنے میں مدد ملے گی۔ اس اقدام سے فیڈرل بورڈ آف ریونیو کے کاروباری اداروں کو ایف بی آر سسٹم سے منسلک کرنے اور ڈیجیٹل ذرائع سے کارپوریٹ ادائیگیوں سے متعلق حالیہ متعارف کردہ اقدامات کے نفاذ میں بھی سہولت ملے گی ۔ اسٹیٹ بینک کے دائرہ کار میں آنے والے اداروں کے لیے یہ بھی لازم ہے کہ وہ ڈیجیٹل ادائیگیوں کو ممکن بنانے کے لیے نان کارپوریٹ اداروں بشمول سول پروپرائیٹرز، ایس ایم ایز اور ایم ایس ایم ایز کو آن بورڈ لینے کی بھرپور کوشش کریں۔

روزنامہ دنیا ایپ انسٹال کریں
Advertisement