گو اور پیپکو کے مابین معاہدہ
گیس اینڈ آئل پاکستان لمیٹڈ (GO)نے نجی شعبے میں900 ریٹیل آئوٹ کے حامل سب سے بڑے ریٹیل نیٹ ورک کا سنگ میل عبور کرتے ہوئے پاک عرب پائپ لائن کمپنی (PAPCO) کے ساتھ وائٹ آئل پائپ لائن ملٹی گریڈ پروجیکٹ تھرو پٹ معاہدے پر دستخط کیے
کراچی (کامرس ڈیسک)معاہدے کی تقریب میں گو کے سی ای او خالد ریاض، سی اواوذیشان طیب،جی ایم آپریشن علی اکبر خلیل اورپیپکو کے سی ای او امر احمد، جی ایم پائپ لائن آپریشنز عادل عزیز خان اور دونوں اداروں سے اعلیٰ انتظامیہ نے شرکت کی۔ خالد ریاض اور ذیشان طیب نے کہاکہ اس منصوبہ سے وائٹ آئل پائپ لائن کے ذریعے ڈیزل کے علاوہ پٹرول کی نقل و حمل ممکن ہوگی ، ایک بار مکمل طور پر نافذ ہوجانے کے بعد، پٹرول اور ڈیزل کی تمام تر نقل و حمل پائپ لائن کے ذریعے ہوگی جس سے نہ صرف عام لوگوں کے لیے نقل و حمل کے اخراجات میں کمی آئے گی بلکہ روڈ سیفٹی میں بہتری کے ساتھ آلودگی، ٹریفک اور کاربن کے اخراج کو کم کرکے ماحول پر مثبت اثرات مرتب ہوں گے ۔
