آ ئی ٹی برآمد ات میں 332 ملین ڈالر کا اضافہ ہوا ، شزہ فاطمہ
اسلام آباد (نمائندہ دنیا)وزیرمملکت انفارمیشن ٹیکنالوجی اینڈ ٹیلی کمیونی کیشن شزہ فاطمہ نے کہا ہے کہ گزشتہ ماہ مئی میں آئی ٹی برآمدات میں 332 ملین ڈالرز کا اضافہ ریکارڈ کیا گیا ہے ۔
جو کہ گزشتہ سال مئی کے مہینے کے مقابلے میں 40.7 فیصد زیادہ ہے ۔ رواں مالی سال کے پہلے 11ماہ (جولائی تا مئی)آئی ٹی برآمدات2.925 ارب ڈالرز تک پہنچ گئیں جو گزشتہ مالی سال کی اسی مدت میں میں 2.371 ارب ڈالرز تھی۔ حکومت کی توجہ آئی ٹی سیکٹر کی ترقی پر مرکوز ہے ، آئی ٹی برآمدات کے اضافے میں ایس آئی ایف سی، پی ایس ای بی کا اہم کردار ہے ، آئندہ مالی سال کے لئے آئی ٹی سیکٹر کے بجٹ میں اضافہ کیا گیا ہے جو آئی ٹی برآمدات میں اضافے کے لئے مدد گار ثا بت ہوگا۔ بجٹ میں ڈیجیٹل انفرااسٹرکچر انفارمیشن کے منصوبوں کے لئے 20 ارب مختص کئے گئے ہیں۔
روزنامہ دنیا ایپ انسٹال کریں
