سولر پینلز کی قیمتیں کم ،خریدار نہ ہونے کے برابر
کراچی (این این آئی) سولر پینل اور سولر بیٹریوں کی قیمتوں میں کمی سے کاروباری افراد مشکل سے دو چار ہیں۔سولر فروخت کرنے والے ایک دکاندار نے ۔
بتایا کہ گزشتہ ایک ماہ سے سولر پینلز سمیت سولر بیٹریوں کی خرید و فروخت بھی شدید متاثر ہوئی ہے جس کے باعث سولر مصنوعات کی قیمتیں کافی نیچے آگئی ہیں۔ڈیلرز کے مطابق سولر پینلز کی قیمتوں میں کمی کے باوجود خریدار نہ ہونے کے برار ہیں۔سولر پینل کے کاروبار سے منسلک انجینئر عمیر عباس نے بتایا کہ سولر کی قیمتوں کا تعین روزانہ کی بنیاد پر نہیں ہوتا، چین میں سولر مصنوعات کی قیمتوں، درآمدات و برآمدات میں کمی اور پروڈکشن میں کمی بیشی کی وجہ سے ریٹ اوپر نیچے ہوتے رہتے ہیں۔کچھ عرصہ قبل چین نے سولر مصنوعات پر ٹیکسز لگائے تھے جس کی وجہ سے قیمتوں میں اضافہ دیکھنے کو ملا تھا ۔ دوسری جانب سولر پینلز کا ریٹیل کاروبار کرنے والے نوید احمد نے کہا کہ پورٹ پر مال مسلسل جمع ہو رہا ہے اور اس بار پینلز کی قیمتوں میں تاریخی کمی ہوئی ہے لیکن یہ کمی 15 سے 20 دن تک برقرار رہ سکتی ہے۔
