سکھر انڈسٹریل انکلیو کی تعمیر تیز کرنے کی یقین دہانی
سکھر(بیورو رپورٹ)پی پی کے سینئر رہنما اور رکنِ قومی اسمبلی سید خورشید احمد شاہ سے سکھر ایوانِ صنعت و تجارت کے صدر محمد خالد کاکیزئی کی سربراہی میں ان کی رہائشگاہ پر ملاقات کی۔
ملاقات میں سینئر نائب صدر امیت کمار ، نائب صدر ملک محمد اویس رئیس، سابق سینئر نائب صدور عبدالعزیز شیوانی اور گرداس وادھوانی شامل تھے ۔وفد نے خورشید احمد شاہ کے سکھر کی تعمیر و ترقی میں اہم کردار کو سراہا اور مزید گذارشات پیش کیں جس میں سکھر و روہڑی کے درمیان نے پل کی تعمیر ، سکھر ایکسپریس کی سروسز کو بہتر بنانے ، بروقت آمد و روانگی کا پابند کرنے ، مال گودام پر پارکنگ پلازہ کے قیام ، سائٹ و گولیمار صنعتی زونز میں بنیادی سہولیات کی فراہمی اور زونز تعمیر و ترقی ، سکھر انڈسٹریل انکلیو کی تعمیر کو تیز کرنے ،سول اسپتال اور این آئی سی وی ڈی کو مزید جدید مشینری سے آراستہ کرنے کی گزارشات شامل تھیں ۔ سید خورشید احمد شاہ نے ان گذارشات کو بغور سنا اور ان پر عملدرآمد کیلئے اپنے ہر ممکن تعاون کا یقین بھی دلایا۔
