ڈالر کی قدرمیں کمی ،تولہ سونا 600روپے مہنگا
کراچی(بزنس رپورٹر)انٹربینک مارکیٹ میں ڈالرکی قدرگھٹ گئی ،ادھرعالمی و مقامی مارکیٹوں میں منگل کو سونے کی قیمتوں میں اضافہ ریکارڈ کیا گیا۔
اسٹیٹ بینک کے مطابق انٹربینک میں ڈالر 3پیسے کی کمی سے 280.57روپے کاہوگیا۔فاریکس رپورٹ کے مطابق اوپن مارکیٹ میں ڈالر کی قیمت خرید 280 روپے 60 پیسے اور قیمت فروخت 282 روپے 10 پیسے ریکارڈ کی گئی۔دوسری جانب عالمی بلین مارکیٹ میں سونا 6 ڈالر کے اضافے سے 3224 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 600 روپے کے اضافے سے 3 لاکھ 39 ہزار 400 روپے پر جاپہنچا۔اسی طرح دس گرام سونے کی قیمت 514 روپے کے اضافے سے 2 لاکھ 90 ہزار 980 روپے ہوگئی ۔ دریں اثنا چاندی کی فی تولہ قیمت 3234 روپے پر مستحکم رہی۔
روزنامہ دنیا ایپ انسٹال کریں
