ڈالر کی قدر میں اضافہ ،تولہ سونا 11700روپے سستا
کراچی(بزنس رپورٹر)انٹربینک مارکیٹ میں بدھ کو ڈالر کی قدر میں اضافے کا سلسلہ جاری ہا ،ادھرکئی روز سے ریکارڈاضافے کے بعد سونے کی قیمت میں بڑی کمی ریکارڈ کی گئی ۔
اسٹیٹ بینک آف پاکستان کے مطابق انٹربینک مارکیٹ میں ڈالر 20پیسے کے اضافے سے 280.77روپے پر جاپہنچا ۔ دوسری جانب عالمی بلین مارکیٹ میں سونا 116ڈالر کی کمی سے 3338ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پربھی فی تولہ سونا 11700روپے کی کمی سے 3لاکھ 52 ہزار روپے کا ہوگیا۔اسی طرح دس گرام سونے کی قیمت 10ہزار 31روپے کی کمی کے بعد 3 لاکھ 1 ہزار 783 روپے ہوگئی۔یاد رہے کہ ایک روز قبل منگل کو سونے کی فی تولہ قیمت 5 ہزار 900 روپے اضافے کے بعد 3 لاکھ 63 ہزار 700 روپے کی تاریخی سطح پر جاپہنچی تھی۔دریں اثنا چاندی کی فی تولہ قیمت16روپے کے اضافے سے 3457روپے ہوگئی۔
