ڈالر کی اڑان برقرار، تولہ سونا 1595روپے سستا
کراچی(بزنس رپورٹر)انٹر بینک مارکیٹ میں جمعہ کو ڈالر مزید مہنگا ہوگیا،ادھرعالمی و مقامی مارکیٹوں میں جمعہ کو بھی سونے۔۔
کی قیمتوں میں کمی ریکارڈ کی گئی۔اسٹیٹ بینک کے مطابق انٹربینک میں ڈالر6پیسے کے اضافے سے 283.70 روپے پرجاپہنچا۔ یاد رہے کہ جمعرات کو ڈالر 283.64 روپے پر بند ہوا تھا۔دوسری جانب عالمی بلین مارکیٹ میں سونا 16 ڈالر کی کمی سے 3356 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 1595 روپے کی کمی سے 3 لاکھ 57 ہزار روپے پر آگیا۔اسی طرح دس گرام سونے کی قیمت 1368 روپے کی کمی سے 3 لاکھ 6 ہزار 69 روپے ہوگئی۔یاد رہے کہ جمعرات کو سونے کی قیمت فی تولہ 460 روپے کی کمی سے 3 لاکھ 58 ہزار 595 روپے ہوگئی تھی۔دریں اثنا چاندی کی فی تولہ قیمت 24 روپے کی کمی سے 3796 روپے ہوگئی۔
روزنامہ دنیا ایپ انسٹال کریں
