رجانہ :سمندری روڈ ٹوٹ پھوٹ کا شکار ،اہل علاقہ شدید پریشان
رجانہ (نمائندہ دنیا)سمندری روڈ جگہ جگہ سے ٹوٹ پھوٹ کا شکار ،عرصہ دراز سے بات وعدوں اور جھوٹی تسلیوں سے آگے نہ بڑھ سکی۔۔
، عوام کا سفر کرنا محال ہو گیا۔تفصیلات کے مطابق سمندری روڈ عرصہ دراز سے ٹوٹ پھوٹ کا شکار ہے ، روڈ پر ٹریفک کی آمدو رفت کے باعث دھول مٹی کی وجہ سے اردگرد کے رہائشی سانس کی بیماریوں میں مبتلا ہونے لگے ، ضلعی انتظامیہ اور متعلقہ ذمہ داران نے آنکھیں بند کر لیں،سڑک سے گزرنے والی ٹریفک بھی انتہائی خطرناک صورتحال سے دوچار ہے ۔ مقامی رہائشیوں نے کہا ہے کہ سمندری روڈ پر جگہ جگہ کھڈے ہونے کی وجہ سے اہل علاقہ منٹوں کا سفر گھنٹوں میں طے کرنے پر مجبور ہیں،گاڑیوں کو بھی شدید نقصان پہنچ رہا ہے لیکن متعلقہ حکام اور نمائندے صرف طفل تسلیاں دیتے آرہے ہیں، وزیراعلیٰ پنجاب اور متعلقہ حکام سے مطالبہ ہے کہ سڑک کے اس ایک ڈیڑھ کلومیٹر کے حصہ کی فوری تعمیر ومرمت کی جائے ۔
