وزیراعلیٰ پنجاب لائیو سٹاک کارڈ کی رجسٹریشن کا عمل جاری
فیصل آباد(خصوصی رپورٹر)فیصل آبادڈویژن کے چاروں اضلاع میں وزیراعلیٰ پنجاب لائیو سٹاک کارڈ کی رجسٹریشن کا عمل زوروشور سے جاری ہے اورویٹرنری ہسپتالوں میں سہولت ڈیسک قائم ہیں ۔۔۔
جہاں مویشی پال حضرات اپنے آپ کو سکیم میں شامل کرانے کے لئے رجسٹرڈ کرارہے ہیں۔ڈائریکٹر لائیو سٹاک ڈاکٹر سید ندیم بدرنے بتایا کہ ڈویژن بھر میں تمام اضلاع اوران کی تمام تحصیلوں میں ڈپٹی ڈائریکٹر لائیو سٹاک اور ایڈیشنل ڈائریکٹر لائیو سٹاک خود بھی مختلف وٹیرنری اداروں کا دورہ کر رہے ہیں۔انہوں نے مزید بتایا کہ اس سکیم سے پہلے آیئے پہلے پائیے کی بنیاد پر مویشی پال حضرات فائدہ اٹھا سکتے ہیں۔اس سکیم میں شامل ہونے کے لئے مویشی پال حضرات اپنے رجسٹرڈ موبائل نمبر سے پی ایل سی سپیس شناختی کارڈ نمبر لکھ کر 8070 پر میسج کریں اور خود کو اس سکیم میں رجسٹرڈ کرائیں۔
روزنامہ دنیا ایپ انسٹال کریں
