ڈینگی لاروا ، افزائشی مقامات کے سروے کرنیکی ہدایت
فیصل آباد(خصوصی رپورٹر)اسسٹنٹ کمشنرصدر رنگزیب گورایہ نے کہا ہے کہ تحصیل میں ڈینگی کے خلاف متعلقہ محکموں کے انسدادی و حفاظتی اقدامات میں غفلت برداشت نہیں اور۔
سرویلنس سرگرمیوں کے خاطر خواہ نتائج واضح نظر آنے چاہئیں۔انہوں نے یہ بات تحصیل ایمرجنسی رسپانس کمیٹی کے اجلاس میں انسداد ڈینگی اقدامات پر عملدرآمد کاجائزہ لیتے ہوئے کہی۔اسسٹنٹ کمشنرصدرنے ہدایت کی کہ ڈینگی لاروا کی افزائش کے موافق مقامات کا بار بار سروے کریں اور ایسی جگہوں کو خشک اور صاف رکھنے کے لئے مؤثر اقدامات ہونے چاہیں۔انہوں نے ٹائر شاپس،کباڑ خانوں، قبرستانوں اور نرسریز کو بلا ناغہ چیک کرنے کی تاکید کی۔اس موقع پر تحصیل افسران نے انسدادی اقدامات سے آگاہ کیا۔
روزنامہ دنیا ایپ انسٹال کریں
