ڈپٹی کمشنر چنیوٹ ترقیاتی سکیموں کے جائزہ کیلئے ڈسٹرکٹ کمپلیکس پہنچ گئے
چنیوٹ(ڈسٹرکٹ رپورٹر)ڈپٹی کمشنر چنیوٹ صفی اﷲگوندل ترقیاتی سکیموں کے جائزہ کیلئے ڈسٹرکٹ کمپلیکس اور نئے ڈی ایچ کیو ہسپتال پہنچ گئے۔۔۔
ایڈیشنل ڈپٹی کمشنر ریونیو رانا محمد عمر ، ایس ڈی او بلڈنگ محمد اکرم ، ڈپٹی ڈائریکٹر ڈویلپمنٹ ، کنٹریکٹر سمیت دیگر بھی وہاں موجود تھے ۔ ڈپٹی کمشنر نے ڈسٹرکٹ کمپلیکس اور نئے ڈی ایچ کیو ہسپتال میں جاری تعمیراتی کاموں کا جائزہ لیا ۔ ایس ڈی او بلڈنگ نے ڈپٹی کمشنر کو منصوبوں پر کام کی پیش رفت اور فنڈز کے حوالے سے بریفنگ دی ۔ ڈپٹی کمشنر نے دونوں منصوبوں کا تفصیلی جائزہ لیا اور متعلقہ افسران کو کام کو سپیڈ اپ کرنے اور بہترین اعلی کوالٹی کا میٹریل اور کام کے معیار کا خاص خیال رکھنے کی ہدایت کی ۔
روزنامہ دنیا ایپ انسٹال کریں
