اللہ کی خو شنودی کیلئے مخلوق کی خدمت کرنا ہوگی :ابو احمد
سیالکوٹ (نمائندہ دنیا ،ڈسٹرکٹ رپورٹر) مرکزی مسلم لیگ کے ضلعی صدر ابو احمد محبوب نے کہا ہے کہ یہ آزادی والا خطہ آزاد ملک بہت بڑی نعمت ہے اس کی حفاظت ہم سب پر فرض ہے اﷲ تعالیٰ نے ہمیں ایک ایسا دین دیا ہے ۔۔۔
جس کا پیغام پیار محبت اور بھائی چارہ ہے ہم نے پیار محبت اور بھائی چارے کی فضا کو فروغ دینا ہے اور سب سے بڑھ کر اس کی مخلوق کی خدمت اولین ترجیحات ہیں اﷲ تعالیٰ کی خوشنودی حاصل کرنے کیلئے اس کی مخلوق کی خدمت کرنا ہوگی۔ ان خیالات کا اظہار انہوں نے مرکز شہداء ماڈل ٹاؤن اگوکی میں اجلاس سے خطاب کرتے ہوئے کیا۔ قبل ازیں ابو احمد محبوب کی آمد پر والہانہ اور پرتپاک استقبال کیا گیا حلقہ این اے 74 کے سابق امیدوار ظفر اقبال بھٹی ہمراہ تھے اجلاس کے اغاز پر صدر مدینہ ویلفیئر سوسائٹی واصف امین بھٹی نے خدمت کمیٹی کی کارکردگی کے حوالے سے بریفنگ دی جس میں 2013 سے لے کر 2024 تک تمام تعمیراتی کاموں اور ضرورت مندوں کی خدمت اور کئی پروجیکٹس پر کام کے اخراجات کا تذکرہ کیا جس پر ضلعی صدر ابو احمد محبوب نے خدمت کمیٹی کی خدمات کو بے حد سراہا ۔ اجلاس سے حلقہ پی پی 53 کے سابق امیدوار محمد عمر آف عدالت گڑھا، اسسٹنٹ پروفیسر ڈاکٹر ابراہیم سرپرست مدینہ ویلفیئر سوسائٹی ، حاجی قیصر نائب صدر ،کاشف امین بھٹی سیکرٹری ،مبشر احمد نے دیگر نے اظہار خیال کرتے ہوئے خدمت کمیٹی کی خدمات کو بیان کیا ۔
