راہوالی:حادثے میں جاں بحق جڑواں بھائی سپرد خاک
راہوالی (نامہ نگار،نمائندہ دنیا )ٹریفک حادثے میں جاں بحق جڑواں بھائیوں کی تدفین کردی گئی ،دونوں بھائیوں کے ساتھ حادثے میں جاں بحق ہونے والا تیسرا دوست ماں باپ کا اکلوتا بیٹا تھا ،دادی پوتے کی موت کا سن کر ہارٹ اٹیک ہونے سے بیہوش ہوکر ہسپتال پہنچ گئی ۔
محلہ گڑھی شاہو راہوالی کے ممتاز کے جڑواں بیٹے عمیر اور معیز سکولز میں چھٹیاں ہونے کے باوجود سکول انتظامیہ کی طرف سے ٹیوشن کے نام پر لگائی جانے والی کلاسوں میں پڑھنے آئے تھے اور اپنے کلاس فیلو ذوہیب کو وحید کالونی چھوڑنے جارہے تھے کہ جی ٹی روڈ پر ٹریفک حادثے کا شکار ہوکر جاں بحق ہوگئے ،تینوں میتیں گھروں میں پہنچنے پر کہرام مچ گیا، ہر آنکھ اشکبار تھی، جڑواں بیٹوں کی میتیں ان کا والد ممتاز آبائی علاقے باگڑیاں لے کر گیا تو پورے گاؤں میں سوگ کا سماں تھا ۔
روزنامہ دنیا ایپ انسٹال کریں
