گورنمنٹ کالج سیٹلائٹ ٹاؤن میں ڈویژنل سائنس نمائش
گوجرانوالہ(سٹاف رپورٹر)گورنمنٹ کالج سیٹلائٹ ٹاون میں ڈویژنل سائنس نمائش کا انعقاد کیا گیا جس کا افتتاح پرنسپل کالج ڈاکٹر نذیر احمد نے صبح 9بجے کیا۔۔۔
اس نمائش میں گوجرانوالہ، سیالکوٹ، پسرور،منڈی بہائوالدین سمیت تمام اضلاع سے طلبا و طالبات نے شرکت کی ،نمائش میں طلبا وطالبات نے بہترین سائنسی ماڈل پیش کئے ،تقریب میں ڈائریکٹر کالجز ڈاکٹر امان اللہ راٹھور، چیئرمین جی ڈی اے ،پرنسپل ڈاکٹر نذیراحمد،وائس پرنسپل پروفیسر عبداللہ نعمان نے طلبا سے خطاب کرتے کہا کہ سائنسی تحقیق اور جدت کسی بھی قوم کی ترقی کی بنیاد ہیں۔ طلباء کو اس پلیٹ فارم کا بھرپور فائدہ اٹھاتے ہوئے اپنی تخلیقی صلاحیتوں کو مزید نکھارنا چاہیے ۔ انہوں نے طلباء کی محنت اور لگن کو سراہتے ہوئے کہا کہ یہ نمائش ان کی تخلیقی سوچ اور سائنسی صلاحیتوں کا بہترین عکاس ہے ۔اس موقع پر ڈاکٹر محمد الیاس،ڈاکٹر ضیا اللہ کھوکھر،ڈاکٹر خالد محمود بھٹہ،ڈاکٹر محمد جعفر،پروفیسر ڈاکٹر بابر بیگ مطالی،ڈاکٹر محمد ظفر،پروفیسر سعید مرزا،پروفیسر چودھری ریاض گجر،پروفیسر رانا محمد رمضان، پرفیسرسلامت چیمہ ،ڈاکٹر احسن رضا،پروفیسراختر گھمن،ڈاکٹر اعجاز بھاگٹ،ڈاکٹر طاہر بٹ و دیگر نے شرکت کی۔سائنس مقابلوں میں گورنمنٹ کالج نے پہلی ،اسلامیہ کالج نے دوسری اور گورنمنٹ کالج منڈی بہائوالدین نے تیسری پوزیشن حاصل کی ۔
