یونیورسٹی طلبا کا سیف سٹی کا دورہ، آپریشنز سے متعلق بریفنگ
اسلام آباد(خصوصی رپورٹر)ڈائریکٹر جنرل سیف سٹی شاکر حسین داوڑ کے احکامات کی روشنی میں ڈپٹی ڈائریکٹر ٹیکنیکل سیف سٹی نے اسلام آباد پولیس کے رضاکار اقرا یونیورسٹی کے طلبا کے وفد کو سیف سٹی اسلام آباد کا دورہ کرایا۔
وفد کو مرکزی نظام، کمانڈ اینڈ کنٹرول سنٹر، آن لائن ویمن پولیس سٹیشن، جدید تکنیک کے حامل کیمروں اور پولیس آپریشنز سنٹر ہال میں طریقہ کار اور افادیت کے بارے میں آگاہ کیا گیا۔ وفد کو بتایا گیا کہ سیف سٹی کے جدید تکنیکی منصوبے میں پولیس آپریشنز سنٹر، ایمرجنسی کنٹرول سنٹر، آن لائن ویمن پولیس سٹیشن، ڈسپیچ کنٹرول سنٹر، ای چالان سسٹم اور پکار 15ہیلپ لائن جیسے اقدامات شامل ہیں۔ حکام نے بتایا سیف سٹی کے جدید تکنیک کے حامل چہرے شناخت کرنے والے کیمرے شہر کے داخلی و خارجی راستوں پر لگائے گئے ہیں جو مشکوک عناصر کی نشاندہی میں اہم کردار ادا کر رہے ہیں۔
