تاجروں کی سہولت کیلئے آ ئی سی سی آ ئی میں آ ئیسکو کاؤنٹر بنانیکا اعلان
اسلام آباد (دنیا رپورٹ) چیئرمین آئیسکو ڈاکٹر طاہر مسعود سے گزشتہ روز اسلام آباد چیمبر آف کامرس اینڈ انڈسٹری کے وفد نے ملاقات کی جس میں تاجران کو بجلی سے متعلقہ درپیش مسائل اور انکے ممکنہ حل پر تبادلہ خیال کیا گیا۔
چیئرمین آئیسکو نے تاجروںکی سہولت کے لئے اسلام آباد چیمبر آف کامرس اینڈ انڈسٹری میں آئیسکو کاؤنٹر بنانے کا اعلان کیا ۔وفد میں آئی سی سی آئی کے صدر ناصر منصور قریشی، سینئر نائب صدر عبدالرحمن صدیقی، نائب صدر ناصر محمود چو دھری شامل تھے ۔ ڈاکٹر طاہر مسعود نے وفد کو بجلی کی بلا تعطل فراہمی اور کسٹمر سروسز کے معیار کو مزید بہتر بنانے کی یقین دہا نی کرا ئی اور کہا کہ تا جر دسمبر 2024 سے فروری 2025 کے دوران حکومت پاکستان کی جانب سے اعلان کردہ سہولت پیکیج سے استفادہ کریں۔
روزنامہ دنیا ایپ انسٹال کریں
