سکولز، کالجز ہیڈ کے واٹس ایپ اکاؤنٹس ہیک کیے جا نیکا انکشاف
اسلام آباد (خصوصی رپورٹر)وفاقی دارالحکومت میں ہیکرز کی جانب سے سرکاری سکولوں اور کالجز کے پرنسپلز کے واٹس ایپ اکاؤنٹس ہیک کیے جانے کا انکشاف ہوا ہے ۔
ہیکرز کی جانب سے خود کو وزارت تعلیم و پیشہ ورانہ تربیت کے افسران ظاہر کرکے سرکاری سکولوں اور کالجز کے پرنسپلز سے فنڈز کے نام پر پیسے بٹورنے کی کوشش کی گئی جبکہ ہیکرز خود کو سکولوں ،کالجز کے پرنسپلز اور اساتذہ ظاہر کرکے والدین سے بھی فنڈز جمع کرانے کے نام پر پیسے بٹور سکتے ہیں۔سیکرٹری وزارت وفاقی تعلیم و پیشہ و رانہ تربیت محی الدین وانی نے ایف آئی اے کو ہیکرز کے خلاف فوری کارروائی کرنے کے لئے باضابطہ آگاہ کر دیا اور پرنسپلز ،اساتذہ اور والدین کو الرٹ رہنے کی ہدایت کر دی ہے ۔
روزنامہ دنیا ایپ انسٹال کریں
